|
Pascale Keller - Verdienstvolles Mitglied der AS, 2010
Nach Chinderturne und Meitliriegi isch d’Pascale mit 14 Johr im September 1984 offiziell in d’AS, bi de Volleyballer, iträtte. Für Dameriegi het sie ab 1988 d’Meitliriegi afo leite und isch denn gli au in dr Dameriegi aktiv worde.
Als Meitliriegileiterin het sie während 9 Johr sehr erfolgrich und passioniert gwirkt, het villi Kürs bsuecht und Jugiwanderige duregfüehrt, im letschte Tenerolager mitgleitet und während 2 Johr d’Meitliriegi im Vorstand vo dr Dameriegi verträte.
Sie isch denn 1997 ihrer Liebi ins Urnerland gfolgt. Dank ihrne dört absolvierte Aerobic und Fitnesskürs hei mir sie chönne bi ihrer Rückkehr nach Prattele, im August 2005, als Leiterin vo dr offene Fitnessgruppe motiviere.
Als alleinerziehendi Muetter mit villne unterschiedliche Interesse het sie leider müesse Prioritäte anderscht setze und het ihri Demission im Juli 2009 bekannt geh.
Mir danke dr Pascale härzlich für ihre Isatz vor em Wegzug wie au für die letschte 4 Johr und überreiche ihr als Gschänk und als verdienschtvolli Uszeichnig d’Karaffe.
05. März 2010
Regina Widmer |
|
|